طريقة البانيه الكداب بدون فراخ بسهولة
البانية الكداب حاجه كده وهم وموفره جدااا وطعمها يهبل وكل الكميه دي بصدر فرخه واحد 🙂
طريقة البانيه الكداب بدون فراخ بسهولة
مقادير عمل البانية الكدابب
- صدر فرخه واحد كبير
- 2 بطاطس متوسطين مسلوقين ومهروسين
- 3/4 ك بقسماط
- بصله كبيره مفرومه
- 3 فصوص توم كبار مفرومين
- التوابل 1/2 م ص كل من التالي
- كزبره ناشفه
- بابريكا
- توابل فراخ
- فلفل اسود
- ..ملح حسب الرغبه
الطريقة
كل ده هنفرمه ف الكبه كويس جدا
الخليط هيبقي ملزق بسيط فنبل ايدينا زيت ونشيله ف طبق ونغطيه
ونسيبه يرتاح لمده 10 دقايق ف التلاجه وبعدين هنطلعه ونحط ف طبق زيت والطبق اللي فيه خليط الفراخ وصينيه وبعدين هندهن الصينيه بمسحه زيت ونبدا نشكل لازم نبل ايدينا زيت واحنا بنشكلها ونبدي نشكل شبه البانيه كده 😂
وبين كل طبقه من الفراخ كيس عشان ميلزقوش ف بعض وبعد ماخلصنا الكميه هندخلها ف الفريزر لحد ماتتجمد
لازم تتجمد عشان نعرف نحطها ف البيض والبقسماط 🗯️
وبعد ماتتجمد هنطلعها وبعدين هنكون مجهزين 3 اطباق
الطبق الاول فيه دقيق وعليه رشه ملح وبابريكا وتوم بودر وفلفل اسود
الطبق التاني 2 بيضه وعليهم نص كوب لبن ورشه ملح وفلفل اسود
الطبق التالت بقسماط وعليه رشه ملح وفلفل اسود وبابريكا وتوم
وبعدين لازم نشتغل البانية الكداب وهو مجمد ينزل ع الدقيق وبعدين البيض وبعدين البقسماط وينزل ف الزيت ع نار متوسطه منقلبش خالص غير لما ياخد لون من تحت
وبعدين يطلع ع مناديل مطبخ وهكذا نعمل ف باقي الكميه
وبكدة نكون عملنا البانيه الكداب بأسهل طريقة في البيت بدون استخدام فراخ خالص والطعم تحفة والريحة كمان حلوة اوي
